AISIALDI JOERA EZBERDINAK

Denborarekin ludotekak, aisilekuak zein gaztetxokoak, nolabaiteko indarra hartzen joan dira, alde batetik gurasoek daukaten denbora faltagatik, zein kaleean gero eta gehiago topatzen ditugun arriskuengatik. Hau guztia kontutan hartuta, ludotekak aisialdirako leku aproposak izaten dira haur zein gaztetxoentzako, alde batetik bertan jolas sinbolikoa, tailerrak, besteekiko harremana, baloreak eta pareko gauzak sustatzen dira.

Normalean adinaka banatuak egoten dira, hau da, ludotekan zein gaztetxokoak adin tarte batetik bestera zehaztuak egoten dira.

Ludotekak, ez dira solik denbora pasa moduan ulertu behar, baizik eta, aisialdiaren bitartez baloreak eta jarrerak lantzen diren lekua edo espazioa.

AISIALDI OSASUNTSUA

Aisialdi mota ugari daude, hau da, bakoitzak bere pertsona eta gustuen arabera aisialdi mota bat zein bestea eduki dezake, hala ere beti entzun izan dugu gure jarrera nolabaiteko eragina daukala gure bizi kalitatean.

Haurretan zein helduetan, betidanik izan da kirola, mendia,,,, zein naturarekin zerikusia zuen ekintzetan parte hartzeak, hala ere denboraren poderioz eta lehia iraunkor batean bizi garen gizarte honetan, gure gazteen partehartzea, hezkuntza formalatik at burutzen dituzten ekintzak gero eta txikiagoa da.

Gurasoen zein helduen eskuhartzea horrelako kasuetan ezinbestekoa da, nolabait helduak izan behar baikara eredua eman behar duguna, eta txikitatik irakatsi bizi kalitatea hobetzearekin bat datozten ekintzak.

AISIALDI KONTSUMISTA

Beste artikuluetan idatzi dudan lez, asialdi joera urteen poderioz aldatzen joan da. Gaur egun, nire aburuz, aisialdi kontzeptua gero eta gehiago lotu egiten da kontsumismoarekin, gero eta denbora gehiago ematen dugu gure denbora librea, zentro komertzialetan, erosketetan...., asisialdi joera "osasuntxua" albo batera utzi eta denbora tarte hori horrelako joeretara bideratzen dugu.

Gure joera hau, haur zein gaztetxoak ere jasaten dute modu batean zein bestean, guraso zein eurekin dauden helduek, denbora hori zentro komertzialetan ematen duten bitartean, haurrak eurekin joaten baitira.