HEZKUNTZA AISIALDIAN

Lehen aipatu dugun bezala aisialdia, gozamenerako edota gustoko ditugun gauzak egiteko denbora tartea bezala ulertu dezakegu, hala ere, aisialdiari askotan ez diogu benetan duen garrantzia ematen, askok eta askok, denbora librea denez gero, honek duen eragina xumea dela besterik uste dute.

Hala ere, ni ez nator bat horrelako jarrerekin, guztiz kontrako iritzia baitaukat. Hezkuntza ez- formalaren esparruan kokatzen dugu aisialdia eta bere garrantziari ezin diogu uko egin, azken finean, hezkuntza prozesu iraunkorra eta aisialdiaren bitartez, pertsona orok bizitzan zehar hezkuntza jasotzen dugu, nahiz eta batzuetan modu inkontziente batean izan.

AISIALDI KONTSUMISTA

Beste artikuluetan idatzi dudan lez, asialdi joera urteen poderioz aldatzen joan da. Gaur egun, nire aburuz, aisialdi kontzeptua gero eta gehiago lotu egiten da kontsumismoarekin, gero eta denbora gehiago ematen dugu gure denbora librea, zentro komertzialetan, erosketetan...., asisialdi joera "osasuntxua" albo batera utzi eta denbora tarte hori horrelako joeretara bideratzen dugu.

Gure joera hau, haur zein gaztetxoak ere jasaten dute modu batean zein bestean, guraso zein eurekin dauden helduek, denbora hori zentro komertzialetan ematen duten bitartean, haurrak eurekin joaten baitira.

PLAY STATION GARAIA?

Gaur egun, gero eta ume gehiago dira parkean zein herriko plazan jolasten egon beharrean, etxean gelditzen direnak, gehienetan "playstation"-era jolasten zein telebista ikusten.

Askotan, kontu honi bueltak ematen ibili naiz eta batzuetan egia esanda tristetu egiten nau, pentsatzeak zer nolako haurrak hezitzen ari garen
Benetan pasibotasunean murgildutako haurrak sortu nahi ditugu? non gelditu dira orduan, parkean txirristan jolasten ibiltzen ziren umeak? kolpeak eta zauriak jositako belaunak?
Uste dut guztiok hausnartu beharreko kontua dela, azken finean eurek izango baitira etorkizuna

AISIALDIA, ATZO GAURKO ETA BIHARKOA

Aisia, gozamenerako eta gustoko ditugun gauzak egiteko denbora tartea bezala ulertu dezakegu, gure bizitzan zehar aldatzen joaten dena.Bestalde, haur, gazte, zein, heldu egiten garen heinean, gure aisia eta aisaldia joera, aldatzen joaten da denboraren poderioz.
Honekin ez dut esan nahi, gure gurasoa ,zein amama- aititeren garaietara jo behar dugula gure aisialdia haiek edukitakoarekin alderatzeko, hau da, gaur egungo haur zein gazteek gu bizi izandako aisialdiarekin konparatuz, guztiz ezberdinak dira.

IEPALE !!!!

kaixo!!

Janire dut izena eta gizarte hezkuntzako bigarren mailako ikasle bat naiz.
Nire blog honetan, gaur egungo aisialdiaren inguruko egoera aztertu eta honek gure hezkuntzan duen eragina plazaratzen saiatuko naiz.
Honekin batera, nire aisisaldi "ideala" ere azalduko dut.